رسالة لمن سينتخب أحمد شفيق.. ** أمه

in «Politics & Human Rights» by moftasa

Warning! This post is very old and may contain information or opinions that are no longer valid or embarrassing.

image0

النهارده شفيق بعت بلطجية يضربوا موظفي الطيران المدني في نقابة الصحفيين.. بشاير معاملته لمن يختلف معاه، فلو كان باب نقابة الصحفيين يفوت جمل كان بعت جمال كمان وقلبها معركة الجمل 2. يمكن أكون متحامل عليه يمكن كانوا جايين يوزعوا بونبوني ويرقصوا.

بيفركني شفيق ده وحركاته (هو و عمر سليمان) بافلام الرعب، لازم الوحش يطلع كده فجأة يخضنا قبل ما يموت. عمر سليمان وشفيق مكانهم في مزبلة التاريخ خاص جدا. واحد ما بيعرفش يعد والتاني ما بيعرفش يتكلم أو يفكر حتى.

شفيق، أفكركم، ما عرفش يرد على علاء الأسواني واتهرس في مقابلة تليفزيونية عاوز يبقى ريّس ومسانديه فاكرينه أسد هايبطش بالثورة والثوار.شفيق صبي مبارك وخصيته الشمال مش راجل بما فيه الكفاية علشان يقول بصراحة أنه جزء من النظام القديم وأن في مسئوليه علىه في موقعة الجمل. جبان وضعيف وفاسد. شفيق مكانه الحالي طره.

شفيق منتظر يتهرس مره أخرى بس في نتيجة الانتخابات المرة دي لما يطلع الخامس في الترتيب وواخد عدد اصوات ما تكفيش يغطي بيها عورته.

مساندي شفيق هم تجسد لما يمكن أن يوصل اليه الانسان من حقارة. ناس بجهلهم متلهفين على مجازر ودماء علشان الحواجز ترجع تاني بين الشعب وبلده. بين الشعب والشعب. بين الشعب وبينهم علشان يستمروا في احتقارهم للشعب وسفالتهم وعنصريتهم وطبقيتهم الوضيعة. في رأيي أحسنلهم لو شفيق تولى منصب عمدة الكتامية هايتس .. ويستحسن يشجعوه على ده. وده أحسن تكريم ليه في حياة هذا الانسان الغبي والمنحط بعد ما قتل واتقتل.

شفيق إنسان محاط بالمتسلقين و الجلادين من ضباط الشرطة والجيش وأسرهم وشبكات مصالح حقيرة من النظام القديم والبروتو-جلادين الأغبياء.

ترشح شفيق ده مش إهانة للثورة، على العكس ده أكبر وسام على صدر الثورة ﻷنها هاتوصل لاهدافها ولو بعد حين بدون واحد بس من أعداء الثورة ما يتظلم.

بالرغم من الخسارة البشعة في الأرواح والتعذيب والقهر بتاع محاكمات الكنغر العسكرية في ماسبيرو ومحمد محمود ومجلس الوزراء وبورسعيد والعباسية وغيرها من الاحداث الدامية للمجلس العسكري لكن المجلس الوسخ ده خدم الثورة .. خلاها معقده أكثر وخاليه من الانتقام، الثورة في وضعها المعقد الحالي بتعلمنا الكثير.

هل لو كانت الثورة انتصرت من أول شهر كنا هانشعر بمايحدث في القضاء العسكري من ظلم وتعذيب؟ هل كنا هانعرف ان في ناس زي حمدي بدين والرويني مكانهم السجن؟ هل كنا ها نعرف ان الجيش محتاج اعادة تأهيل وتفكيك مصالحة الأقتصادية وتأميمها؟

يا اللي هاتنتخبوا شفيق او حتى خيالكم فكر فيه ولو لثانية، مرشحكم القوي بتاعكوا ده.. اللي انتم منتظرينه يفشخ الثورة ويربي الشعب. ويعتقل الاسلاميين الخ.. مش عارف يجاوب على سؤال،أي واحد من مكنة الكذب بتاعة مبارك والحزب الوطني زي العرص مجدي الدقاق ممكن يرد عليه

*الرسمة من @hany2m

Comments

  • baddream

    Posted on - 🔗

    إنت مستنى إجابة من ولاد الوسخة بتوع شفيق إزاى,دى كائنات لازجة احادية الخلية أصلا

  • Claire Ulrich

    Posted on - 🔗

    Hi may i republish this drawing? Is it yours or could you tell me who to credit it to? Thank you

    • moftasa

      Posted on - 🔗

      Ask @hany2m on twitter.